Yezdanpena: Îro pêwîstiya neteweya kurd bi Barzanî heye..Bila em piştevanê wî bin
Hewlêr-KDP.info- Fermandarê Giştî yê Hêzên Pêşmergeyên PAKê Husên
Yezdanpena ragihand ku tişta ku pêwîst e em di vê yadê de bêjin ew e ku
kurdên herçarperçên Kurdistanê nabe wê yekê jibîr bikin ku ev derfeta ku
niha ji me re hatiye nabe em jidest bidin û eger bi başî sûd jê neyê
wergirtin, dê kesa serkirdeyên me û xwîna şehîdan vala biçin û dê çarenivîsa
neteweya me bi nediyarî bimîne.
Husên Yezdanpena Fermandarê Giştî yê Hêzên Pêşmergeyên PAKê ji
malpera KDP.info re ragihand: “Ew xebata ku Barzaniyê nemir herî kêm nîv
sedeyê jiyana xwe pê bir, heta radeyekê encamên wê tên bidestxistin, lê hêj
bi temamî bi dawî nehatiye. Pêwîst e em niha destkeftên xwe biparêzin û
hewl û têkoşanê bikin bo ku tişta ku ma ye bi dest bînin.”
Yezdanpena wiha got: “Tişta ku pêwîst e em di vê yadê de bêjin ew e ku
kurdên herçarperçên Kurdistanê nabe wê yekê jibîr bikin ku ev derfeta ku
niha ji me re hatiye nabe em jidest bidin û eger bi başî sûd jê neyê
wergirtin, dê kesa serkirdeyên me û xwîna şehîdan vala biçin û dê çarenivîsa
neteweya me bi nediyarî bimîne. Mezintirîn garentî jî ew e ku yekîtiya xwe
biparêzin û bo yek armanc jî xebatê bikin û li pey berjewendiyên hizbî
negerin.”
Wî fermandarê pêşmergeyên PAKê ku hevdem Cîgirê Serokê Partiya
Azadiya Kurdistanê ye ragihand: “Pirsgirêka miletê kurd li rojhilata navîn
pirsgirêka ax û sînor û serweriyê ye, pirsgirêka nebûna dewletê ye. Pêwîst e
em hemû hêza xwe bixin xizmeta serxwebûnê û bi dewletbûna Kurdistanê.
Eger em tiştekî din bikin armanca xwe, wê demê em nagihên tiştekî. Lê eger
wek miletekî yekgirtî eger ji wê armancê re kar bikin, bi piştrasî emê bi ser
kevin û dê serdema bindestiya kurd bi dawî were.”
Husên Yezdanpena wiha domand: “Bêguman jidestdana serkirdeyekê dîrokî
mîna Barzaniyê nemir ku berhema nîv sede ji xebata kurdî bû, serkirdeyê
şoreşên Barzan bû, yek ji damezrênerên Komara Kurdistan bû, xwediyê
destana dîrokî ya Aras bû, serkirdeyê Şoreşa Îlonê bû, jidestana wî bo
neteweya kurd ziyaneke mezin bû. Îro pêwîstiya neteweya kurd bi Serok
Barzanî heye. Bila em piştevanê wî bin da ku bikaribin bi piştevaniyê
armancên xwe bidest bînin û destkeftên xwe biparêzin.”
