National Interest: Sala 2016 dê sala cudabûna Kurdistanê be ji Iraqê?

Hewlêr-KDP.info- Malpera National Interest derbarê serxwebûna 

 

Kurdistanê de û cudabûna wê ji Iraqê raporek belv kiriye û tê de dibêje, 

 

Serok Barzanî bi eşker ragihandiye ku dema referanduma diyrkirina 

 

çarenivîsa Kurdistanê heye, lê di heman demê de jî gotiye ku, ev yek nayê 

 

wê wateyê ku piştî referandumê dê di cih de dewleta serbixwe bê 

 

ragihandin, lê belê ew referandum dê daxwaza rasteqîne ya xelkê nîşan 

 

bide.

 

Malpera National Interest behsa wê yekê dike ku Serok Barzanî li sala 2014ê 

 

de daxwaza referandumê kiribû û biryar bû parlemento demek ji 

 

referandumê re diyar kiriba, lê şerê DAIŞê ew pirose paş xist. Şerê DAIŞê jî 

 

baştir ji her referandumekê wêneyê kurdistaneke serbixwe nîşanî hemû 

 

dinyayê da û Herêm Kurdistanê bi tenê û bi bê Bexdayê ew şer kir û bi 

 

awayekî serbixwe.

 

 

Malpera National Interest ragihand: “Derbarê Kurdistanê û serxwebûna wê, 

 

ew pirose bê pirsgirêk nabe. Me hevpeyvînek ligel Berpirsê Navenda 

 

Lêkolînên Pêşxistina Kurdistanê Sero Qadir pêk anî û wî jî ragihand ku, 

 

referandum pêwendîdar e ligel serxwebûna Kurdistanê, lê bi baweriya min 

 

em dikarin bê referandumê jî serxwebûna xwe rabighînin.”

 

 

40 welat dê piştgiriya serxwebûna Kurdistanê bikin

 

Sero Qadir ji National Interest re gotiye: “Dema Serok Barzanî behsa 

 

referandumê dike, ji bo wê yekê ye ku hemû aliyên siyasî yekdeng bin, ji ber 

 

ku di vê piroseyê de Serok Barzanî ji ber pêgeha xwe, pir bihêztir dikare ligel 

 

Iraq û civaka navdewletî reftarê bike.”

 

 

Herwiha Sero Qadin ji wê malperê re ragihandiye: “Sala 2016ê dê Kurdistan 

 

serbixwe be û dê hersê welatê Îsraîl û Siûdiye û Fransa bi fermî îtîrafê pê 

 

bikin û herwiha tê pêşbînîkirin ku 40 welatên din jî piştgiriya serxwebûna 

 

Kurdistanê bikin.”

 

 

Serxwebûna Kurdistanê ne li dijî destura Iraqê ye jî

 

National Interest li ser zimanê Serokê Berê yê Parlemantoya Kurdistanê û 

 

Fermandarê Pêşmerge Kemal Kerkûkî dibêje: “Diyarkirina çarenivîsê mafekî 

 

siruştî ye yê her neteweyekê û yasaya navdewletî û peymanameyên 

 

Neteweyên Yekbûyî û mafê mirovan li ser yekdeng in, ji ber ku mafekî rewa 

 

ye.”

 

 

Kemal Kerkûkî ragihandiye: “Serxwebûna Kurdistanê ne li dijî destura Iraqê 

 

ye jî, wek ku Bexda îdia dike, ji ber ku destura Iraqê dibêje pêkhatên Iraqê bi 

 

razîbûna xwe di çarçoveya Iraqê de mane, bi wê wateyê ku dikarin di nava 

 

Iraqeke yekperçeyî de nemîne.”