Bereya piştgiriya li Serok Barzanî berfireh dibe
Hewlêr-KDP.info- Berdevkê Frakisyona PDKê ya Parlemantoya Kurdistanê
ragihand ku hewlekî cidî heye bo piştgîrî li biryarên Serok Barzanî yên
çaksaziyê, da ku qonaxa çaksaziyê li Kurdistanê pêngavên baş û mezin
bavêje. Herwiha dibêje civîna frakisyona wan îro li ser diyarkirina
mekanîzmekê ye bo qonaxên çaksaziyê.
Dr. Mihemed Elî ji malpera KDP.info re ragihand: “Îro di civîna xwe de emê
kar li ser dîtina mîkanîzmekê bikin bo biryarên Serok Barzanî derbarê
çaksaziyê di dezgehên hizbî û hikûmî de û em dixwazin bi gotûbêjê ligel
frakisyonên û aliyên din ên Kurdistanê dest bi kampanyayeke berfireh bo
piştgirî li biryarên Serok Barzanî bikin.”
Dr. Mihemed da zanîn ku, ewê îro biryarê li ser çawaniya karkirina biryarên
Serok Barzanî bidin.
Herwiha Berdevkê Frakisyona PDKê got jî, ji ber biryarên çaksaziyê di nava
hikûmet û PDKê de, hêviyeke mezin ji xelkê re vegerandiye û bo çawaniya
cîbicîkirina wan biryaran jî hikûmetê hemû piştevanî û amadekariyên xwe
ragihandiye.
