Mafnas: Pêwîst e Amnesty daxwaza lêborînê ji Pêşmerge û gelê Kurdistanê bike

Hewlêr-KDP.info- Endamê Tora Rêxistina Mafê Mirovan li Rojhilata Navîn 

 

Dr. Tariq Xêlekî derbarê rapora Amnesty International de, ragihand ku ew 

 

rapor bê belge û bingeh e, lewma pêwîst e ew rêxistin daxwaza lêborînê ji 

 

gelê Kurdistanê û Hêzên Pêşmerge bike.

 

Roja 24/2/2016ê, rêxistina Lêborînê ya navdewletî Amnesty International 

 

rapora xwe ya salane derbarê rewşa mafê mirovan li hemû cîhanê belav kir 

 

û çend laperên vê raporê taybet bûn bi rewşa nafê mirovan li Iraq û Herêma 

 

Kurdistanê.

 

Derbarê wê raporê de, Endamê Tora Rêxistina Mafê Mirovan li Rojhilata 

 

Navîn Dr. Tariq Xêlekî ji malpera KDP.info re ragihand: “Amnesty 

 

International di rapora xwe de îdia dike ku Hêzên Pêşmerge piştî 

 

rizgarkirina gundên ereban malên wan xerab dike. Lewma Rêxistina Mafê 

 

Mirovan li Rojhilata Navîn ji ber wê raporê duhî ligel şandeke wê rêxistinê 

 

serdana cih û gundên ereban ên ku Pêşmerge ew rizgar kirine, kir û ji me re 

 

derket ku bê belge û bingeh e. Berevajî wê raporê, me dît ku çawa Hêzên 

 

Pêşmerge alîkariya malbatên ereban dane û erebên wan deveran bi aramî 

 

dijîn. Me ti xerakirinek nedît. Lê tenê li cihna ji ber bombebarana balafirên 

 

hevpeymaniya navdewletî li ser DAIŞê mal hatibûn xerabkirin û ew yek zelal 

 

e.”

 

Dr. Tariq Xêlekî wiha got: “Erebên wan deveran pir dilxweş in bi rizgarkirina 

 

gundên wan û ev yek di serdana me de diyar bû, lewma em vê raporê red 

 

dikin û şermezar dikin û nabe careke din bi bêbelge raporên wisa belav 

 

bikin û em daxwaz jî dikin ew rêxistin daxwaza lêborînê ji gelê Kurdistanê û 

 

Hêzên Pêşmerge bike, ji ber ku Pêşmerge gund parast ne, ne têk dane û 

 

jibilî vê yekê jî Dezgeha Xêrxwazî ya Barzanî alîkariya xelkê wan gundan jî 

 

kiriye.”