Hêza Dijîterorê ya Kurdistanê jineke Swêdî ji destê DAIŞê rizgar kir

Hewlêr-KDP.info- Encumena Asayişa Herêma Kurdistanê eşkere kir ku 

 

hêzên girêdayî wê encumenê operasyonek serkeftî li nav deverên di bin 

 

destê DAIŞê de kirine.

 

 

 

Encumena Asayişa Kurdistanê, ragihand, hêzên girêdayî wê ku wek “Hêza 

 

Dijîterorê” tê nasîn, li herêma Mûsilê û li deverên di bin destê DAIŞê de 

 

operasyonek serkeftî pêk anîne.

 

 

 

Encumenê daye zanîn ku di encama wê operasyonê de pêşmergeyên 

 

Dijeterorê karîn jineke Swêdî ji nav lepê DAIŞê derxînin û rizgar bikin.

 

 

 

Encumena Asayişa Kurdistanê di daxuyaniyekê de ragihand ku, operasyona 

 

han roja 17ê vê mehê li navçeyeke nêzîkî bajarê Mûsilê hatiye kirin. 

 

Li gorî daxuyaniya Encumena Asayişê, navê wê jina Swêdî ya ku hatiye 

 

rizgarkirin, Marlîn Stîvanî Neverlayn e û temenê wê jî 16 sal e.

 

 

 

Di daxuyaniyê de hatiye gotin ku ew keça Swêdî, par havînê ji aliyê 

 

çekdarekî DAIŞê ve li Swêdê hatibû xapandin û derbasî Sûriyê bibû, ji wir jî 

 

derbasî Mûsilê bibû.

 

 

 

Li gorî agahiyên Encumena Asayişê, piştî ku aliyên fermî yên Swêdê û 

 

malbata wê keçkê daxwaza alîkariyê ji Encumena Asayişa Kurdistanê kir, 

 

Hêza Dijîterorê ew operasyon pêk anî.  

 

 

 

Hat gotin ku ew keçik niha li Herêma Kurdistanê ye û prosedûra vegera wê 

 

bo Swêdê tê amadekirin.