Welatiyên Kurdistanê: Ew gemiya ber bi serxwebûnê ve diçe, kes nikare bisekinîne
Hewlêr-KDP.info- Welatiyên Herêma Kurdistanê ji malpera KDP.info re
axivîn û gotin ku, ew gemiya ber bi serxwebûnê ve diçe, bi wan destan
nasekine ku boriya petrolê diteqînin û pirsgirêkên civakî dikin siyasî.
Derbarê têkelkirina mijarên hestiyar yên nava Herêma Kurdistanê çend alî
bo têkdan p tevliheviya nava Kurdistanê pirsgirêkên siyasî tevlî pirsgirêkên
siyasî dikin û çend welatiyan derbarê vê yekê ji malpera KDP.info re axivîn.
Hekar Şêrwanî ji bajarê Hewlêrê ji malpera KDP.info re ragihand: “Diyar e
desteke derve dixwaze rê li pêşiya wê gemiyê bigire ku Kurdistanê ber bi
serxwebûnê ve dibe. Ew dest li Kurdistanê pêşendanên siyasî dikin bo gelek
tiştan. Em dibînin boriya petrola Kurdistanê tê teqandin û ew bêdeng
dimînin, lê li ser melayekî ku pirsgirêkên wî yên civakî hene daxuyaniyan
derdixin. Ew li ser pirsên niştimanî bêdeng in. Diyar e ku ew kî ne û xizmeta
kê dikin. Lê Herêma Kurdistanê bo gihîştin bi armancên xwe di astengiyên
pir zehmetir re derbas bûye.”
Herwiha Şêx Nejmedîn ji Hewlêrê ji malpera KDP.info re ragihand: “Rewşa
Kurdistanê hestiyar e û pêwîstî bi yekrêziyê heye di biryar û gotar û nêrînan
de. Divê bi awayekê be ku di xizmeta niştiman û neteweya me de be.
Bêguman hizra teng a hizbayetiyê xizmeta vê rewşê nake, ku pêwîst e
zêdetir li ser teqandina boriya petrola Herêma Kurdistanê rawestabana, ji
ber ku asayişa aboriya me girêdayî asayişa me ya neteweyê û niştimanî.”
Hêmin Umer ji Almanya ji malpera KDP.info re ragihand: “Ez wek welatiyekî
qet ne ligel teqandina boriya Herêma Kurdistanê me, ji ber ku zerer û
ziyaneke mezin digihîne aboriya Kurdistanê û ziyanê dighîne jiyana xelkê
Kurdistanê. Pêwîst e em hemû hewl bidin ku rewş baş bibe.”
Karzan Îbrahîm ji bajarê Raniye ji KDP.info re ragihand: “Hin alî li hember
pirsgirêkeke civakî diaxivin û wê pirsgirêkê dikin siyasî û li pêşiya çavê wan
boriya petrola Kurdistanê ya ku jiyana xelkê Kurdistanê peyda dike û
xizmeta PKKê jî dike, tê teqandin û xwe bêdeng dikin, lê belê bi dilê wan jî
bû. Ew bi eşker dijayetiya serxwebûna Kurdistanê dikin û bi eşkere wê yekê
dibêjin.”
