Serokwezîr Nêçîrvan Barzanî bersiva PKKê da

Hewlêr-KDP.info- Serokwezîr Nêçîrvan Barzanî derheqê tehîdên PKKê ji bo 

 

astengkirina hinartina gaza Kurdistanê bo Tirkiyê de got, em qebûl nakin 

 

PKK destê xwe bixe nav karên Herêma Kurdistanê, ev yek bi sûda PKKê nîne.

 

Serokwezîrê Herêma Kurdistanê û alîkarê Serokê PDKê, Nêçîrvan Barzanî îro 

 

piştî civîna Encumena Serokatiya PDKê, li ser daxuyaniya PKKê derheqê 

 

astengkirina hinartina gaza Kurdistanê bo Tirkiyê de bersiva pirsên 

 

Peyamnêrê Rûdawê da.

 

Nêçîrvan Barzanî got, ew daxuyanî, daxuyaniyek rast nîne. Em li hêviyê 

 

nebûn ew di vê demê de bêjin em li dijî wê meseleyê ne. Çimkî ev bûyer 

 

girêdayî qûtê xelkê Herêma Kurdistanê ye. Jixwe hîn hinartina gaza sirûştî 

 

dest pê nekiriye.

 

Serokwezîr Barzanî diyar kir ku ti eleqeya wê mijarê bi PKKê nîne û got, ev 

 

mesele, meseleyeke navxwe ya Kurdistana Iraqê ye û divê PKK destê xwe 

 

nexe nav karên Herêma Kurdistanê. Ji ber ku ne rast e, ne lazim e ne jî em 

 

vê yekê qebûl dikin.

 

Berdevkê PKKê Demhat Egîd gotibû, rêkeftina hinartina gaza sirûştî di 

 

navbera Kurdistan û Tirkiyê de “dijminatîkirina gelê kurd e” ji ber wê jî ew li 

 

dijî wê ne.

 

Li gorî wî rayedarê PKKê, rêkeftina han dibe sedema bihêzbûna dewleta Tirk 

 

ku dijminê gelê kurd e.