Serok Barzanî berev derveyî welat birê ket
Hewlêr-KDP.info- Serokê Herêma Kurdistanê Mesûd Barzanî bi mebesta
beşdarîkirina di Konferansa Asayîşê ya Munîxê berev derveyî welat birê ket.
Îro Pênçşema 11.02.2016 Mesûd Barzanî Serokê Herêma Kurdistanê bi
mebesta beşdarîkirina Konferansa Asayîşa Munîx 2016 li rêya Firokxaneya
Navdewletiya Hewlêrê berev welatê Elmanya birêket.
Li çarçêweya konferansê da Serok Barzanî beşdarî panêlekî taybet ya di
derbarê rewşa siyasî û emnî ya Rojhilata Navîn û hereşeya teror û
serkeftinên hêzên Pêşmergeyên Kurdistanê û her wiha rewşa aboriya
Herêma Kurdistanê dike.
Wiha biryar e di çarçêweya vê konferansê de Serok Barzanî çendîn hevdîtin
li gel hejmarek ji berpirsên welatan û kesayetiyên navçeyî û navdewletî de
pêk bîne.
Di vê serdanê de Fuad Husên Serokê Dîwana Serokayetiya Herêma
Kurdistanê û Felah Mistefa Berpirsê Fermangeha Peywendiyên Hikûmeta
Herêma Kurdistanê şanda li gel Serok Barzanî pêk tînin.
