Hemdî Efendî: Mercê me bo beşdarî di azadkirina Mûsilê de heye

Hewlêr-KDP.info- Hemdî Efendî Berpirsê Eniya Başîkê ya Hêzên 

 

Pêşmerge ragihand ku ligel pêngava destpêkirina azadkirina 

 

Mûsilê, Hêzên Pêşmerge garentiya sînoran dixwaze, da ku careke 

 

din êriş li ser sînorên Başûrê Kurdistanê dûbare nebin.

 

Efendî ji malpera KDP.info re ragihand: “Hêj kurdan biryara 

 

yekalîker nedane ku Hêzên Pêşmerge dê bi çi awayekî beşdarî 

 

azadkirina Mûsilê bibin, ji ber ku divê di serî de em derbarê sînorê 

 

wê parêzgehê garantiyê werbigirin ji Hikûmeta Iraqê û 

 

hevpeymaniya navdewletî jî, ji ber ku wek serkirdatiya kurdî 

 

biryara me ew e ku em sînorên xwe diyar bikin û wan navçeyên 

 

bin destê xwe bernedin, bi taybetî ew beşê di navbera me û 

 

Mûsilê de ye.”

 

Wî berpirsê eniya Başîkê wiha got: “Me wek kurdan ezmûn ji 

 

pêserûberiya ewlehiya Iraqê wergirtiye û me gelek ziyan jî jê dîtiye 

 

û bi sedan kîlometr ji axa me ji ber şaşîtiyên Iraqê hatin dagîrkirin 

 

û ketin destê DAIŞê de, lewma serkirdatiya siyasî ya Kurdistanê 

 

yekem pêngava wê di azadkirina Mûsilê de diyarkirina sînorê me 

 

ye li wê devera ku jê re tê gotin sînorê Mûsil – Kurdistan.”

 

Hemdî Efendî wiha domand: “Awayê beşdarîkirina Hêzên 

 

Pêşmerge di azadkirina Mûsilê de cuda dibe, ji ber ku tişta ku heta 

 

niha me biryar li ser daye ew e ku eger Pêşmerge beşdar bibe di 

 

wî şerî de, dê tenê biçe wan cihan ku pirsgirêk ji wan re 

 

dernekevin, wek nav Mûsilê Pêşmerge naçe wir, lê dibe ku 

 

Pêşmerge di nexşeya stratejîk ya azadkirina Mûsilê de beşdar 

 

bibe.”