Li Amed û Şirnexê 6 leşker û polîs hatin kuştin

Amed-KDP.info- Li bajarên Amed û Şirnexê, di encama şer û pevçûnan de 

 

herî kêm 6 polîs û leşker hatin kuştin. Di nav wan de fermandeyekî pilebilind 

 

Şeva borî li taxa Ataturk a bajarê Şirnexê, wesayîta zirhî ya hêzên polîs rastî 

 

êrişa çekarî hat, di encamê de polîsek hat kuştin yek jî birîndar bû.

 

Li navçeya Hezexê ya Şirnexê jî, di navbera komek şervanên kurd, ku tê 

 

gotin ji Rojava derbasî Bakur dibûn, şer derket. Di wî şerî de leşkerek hat 

 

kuştin û 3 efser jî birîndar bûn. 

 

Li navçeya Cizîrê ya Şirnexê jî şer derket û leşkerek û polîsek hatin kuştin. 

 

Ji aliyekî din, li navçeya Sûrê ya Amedê jî şeva borî li ber Minareya 4 Stûn 

 

(cihê ku Tahir Elçî hat kuştin), şerekî giran derket. Di wî şerî de 

 

fermandeyekî pilebilind hat kuştin. Tê gotin ku ew efserê hatiye kuştin, 

 

fermandeyê hêzên taybet bû. 

 

Her wiha leşkerekî din jî ku li Sûrê birîndar bibû, li nexweşxanê can da. 

 

Wezîrê Hundir ê Tirkiyê Ekan Ala duh ragihandibû, dê li navçeyên Hezexa 

 

Şirnexê û Nisêbîna Mêrdînê jî dest bi operasyonê bikin.