Bi 10 hezaran koçberên Sûriyê li ser sînorê Tirkiyê kom bûne

Hewlêr-KDP.info- Bi hezaran koçber û penaberên Sûrî ji tirsa êrişên Sûriye û 

 

Rûsyayê, li ser sînorê Tirkiyê kom bûne. 

 

Her ku hêzên rêjîma Sûriyê bi piştevaniya balafirên Rûsyayê, di eniyên 

 

bakurê bajarê Helebê yê Sûriyê de pêşde diçin, hejmara kesên sivîl ên ji ber 

 

wî şerî koçber dibin, zêdetir dibe.

 

Di heyama çend rojên borî de bi deh hezaran kes ji tirsa şer û êrişan 

 

reviyane ser sînorê Tirkiyê û li wir bicîh bûne. 

 

Waliyê parêzgeha Kilîsê ya Tirkiyê ragihand, heta niha herî kêm 35 hezar 

 

koçberên Sûrî li ser sînorê Tirkiyê kom bûne.

 

Rayedarên Yekitiya Ewropayê jî daxwaz ji Tirkiyê kirin, deriyê xwe ji 

 

koçberên Sûrî re veke. 

 

Saziya Çavdêr a Mafên Mirov li Sûriyê dibêje, derdora 40 hezar kes ji ber 

 

şerê Helebê bûne koçber lê rayedarên Tirk dibêjin, tê pêşbînîkirin ku 70 

 

hezar kesên din jî berê xwe bidin sînor.