Şanda Kurdistanê û Emar Hekîm civiyan
Bexda-KDP.info- Piştî civîna xwe ligel Serokmarê Iraqê û Serokwezîrê Iraqê, şanda Herêma Kurdistanê bi serokatiya Nêçîrvan Barzanî ligel Serokê Encumena Bilind a Îslamî li Iraqê civiya.
Heryek ji Cîgirê Serokwezîrê Kurdistanê Qubad Talebanî û Dr. Roj Nûrî Şawês û Serokê Dîwana Serokatiya Herêma Kurdistanê Fûad Husên û Berdevkê Hikûmeta Herêma Kurdistanê Sefîn Dizeyî û Berpirsê Fermangeha Pêwendiyên Derve yê Hikûmeta Herêma Kurdistanê Felah Mistefa ligel Nêçîrvan Barzanî di civînê de ne.
Hêjayî gotinê ye îro şanda Herêma Kurdistanê bi serokatiya Serokwezîrê Herêma Kurdistanê Nêçîrvan Barzanî serdana Bexdayê kir û ligel Serokwezîrê Iraqê Heyder Ebadî û wezîrên Iraqê civiya. Li gorî zanyariyan, şanda Kurdistanê ligel Hikûmeta Bexdayê pirsa petrolê û kirîza darayî û pêwendiyên herdu aliyan, herwiha şerê DAIŞê û rizgarkirina Mûsilê gotûbêj kirin.
