Dixwazin Ahmet Turk 18 salan bigirin

Enqere-KDP.info- Serdozgeriya Komar a Amedê ji bo Hevserokê Şaredariya Mezin ê Mêrdînê Ahmet Turk ji 7 salan heya 18 salan cezayê girtine xwest.

Serdozgeriya Komar a Amedê derbarê siyasetmedarê kurd Ahmet Turk bi hêcata emdamitiya “rêxistina terorîst” û progandaya rêxistina “çekdarî ya terorîst” dike, doznameyek ji 44 rûpelan pêk tê amade kiriye.

Dozanemya ji aliyê 4emîn Dadgeha Sûcên Giran ve hatiye qebûl kirin tê de ji bo Ahmet Turk ji 7 salan û 6 mehan heya 18 salan cezayê girtine hatiye xwestin.

Di doznameyê de hatiye amaje kirin ku Turk çend hevdîtinên bi telefonê li gel kesên bi KCKê re tekîldar pêk aniye.