Serok Barzanî di pîrozkirina Mewlûdê de beşdar bû

Pîrmam-KDP.info- Serokê Herêma Kurdistanê Mesûd Barzanî di pîrozkirina Mewlûdê de beşdar bû.

Îro roja jidayikbûna pêxemberê ola îslamê Hz. Mihemed (Mewlûd) e. Li bajarokê Selahedînê mersima Mewlûdê hat lidarxistin.

Barzanî tevlî merasimê bû û ji aliyê Yekîtiya Zanayên Ola Îslamî ya Kurdistanê ve hat pêşwazîkirin.

Di wê merasimê de hin gotin ji aliyê mela ve hatin xwendin û tê de behsa pêximberê Îslamê hat kirin.

Li hemû bajar û bajarok û gund û navçeyên Başûrê Kurdistanê Mewlûd tê pîrozkirin û şêrînî tê belavkirin.