Serokwezîr ji Bexdayê vegeriya Hewlêrê

Hewlêr-KDP.info- Serokwezîrê Herêma Kurdistanê Nêçîrvan Barzanî ligel şandeke bilind a Herêma Kurdistanê li Baxdayê beşdarê şîniya siyasetmedarê iraqî Ehmed Çelebî kir û vê êvarê vegeriya Hewlêrê.

Li gor daxuyaniya melpera fermî ya hikûmeta Herêma Kurdistanê şanda Kurd îro berî nîvro gehişte Bexdayê. Di şandê de ligel Serokwezîrê Herêma Kurdistanê Nêçîrvan Barzanî, Cîgirê Serokwezîr Qubat Talabanî, Sekreterê Polîtbîroya PDKê Fazil Mîranî, endamên mekteba siyasî yê PDKê Dr Roj Nûrî Şawês û Azad Berwarî, Wezîrê Avadaniyê Derbaz Kûsret Resûl, Berdevkê Hikûmetê Sefîn Dizeyî û Parêzgarê Dihokê Ferhad Etrûşî jî amade bûn.

Piştî beşdariya şîniyê, Nêçîrvan Barzanî bi nûneratiya Serokê Herêma Kurdistanê peyama sersaxiyê gehande kes û karên Çelebî û hevxemiya xwe derbirî.

Vê êvarê Şêwirmendê Ragihandina Serokwezîr Nêçîrvan Barzanî Samî Ergoşî ragihand ku, Nêçîrvan Barzanî vegeriya Hewlêrê.