Nêçîrvan Barzanî li Bexdayê tevlî şîna Ehmed Çelebî bû

Hewlêr-KDP.info- Serokwezîrê Herêma Kurdistanê Nêçîrvan Barzanî ligel şandek bilind ê Herêma Kurdistanê li Baxdayê beşdarê taziyeya siyasetmedarê Iraqî Ehmed Çelebî kir.

Li gor daxuyaniya melpera fermî ya hikûmeta herêma Kurdistanê şanda Kurd îro berî nîvro gehişte Bexdayê. Di şandê de ligel Serokwezîrê Herêma Kurdistanê Nêçîrvan Barzanî, Cîgirê Serokwezîr Qubat Talabanî, Sekreterê Polîtbîroya PDKê Fazil Mîranî, endamên mekteba siyasî yê PDKê Dr Roj Nûrî Şawês û Azad Berwarî, Wezîrê Avadaniyê Derbaz Kûsret Resûl, Berdevkê Hikûmetê Sefîn Dizeyî û Parêzgarê Dihokê Ferhad Etrûşî jî amade bûn.

Piştî beşdariya taziyê Nêçîrvan Barzanî bi nûneratiya Serokê Herêma Kurdistanê peyama serxweşî û sersaxiyê gehande kes û karên Çelebî û hevxemiya xwe derbirî.

Daxuyaniya malpera hikûmetê amaje nedaye ka gelo şanda Kurd beşdarê hevdîtinan dike yan jî piştî vê taziyê vedigere Kurdistanê.

Roja 3ê Cotmehê siyasetmedarê Iraqî Ehmed Çelebî di 70 saliya xwe de li Bexdayê koça dawî