Frakesyona PDK: Emê berdewam rewatiya parlementoyê biparêzin

KDP.info- Hewlêr- Frakesyona Partiya Demokrata Kurdistanê (PDK) tekez dike ku, ew beşekin ji rewatiya Parlementoya Kurdistanê û êdî kesek bi navê Yûsif Mihemed nemaye serokê parlementoyê.
Serokê Frakesyona PDK, Omêd Xoşnaw, ji KDP.info re ragehand ku ji bo drustbûna rewatiyê me xwîn daye û bi heman awayî emê wê rewatiyê biparêzin.
Omêd Xoşnaw tekez kir jî ku, PDK beşek ji rewatiya Parlementoya Kurdistanê ye û rewatiya parlementoyê beşek jê ye.
Xoşnaw balkişande ser wê yekê jî ku, rêkeftineke di navbera PDK û Goranê de hebû derbarê parvekirina postên hikûmet û parlementoyê de, lê niha ew rêkeftin hilweşiya û kesek bi navê Yûsif Mihemed nemaye serokê parlementoyê.
Serokê frakesyona PDK tekez kir jî ku, Yûsif Mihemed dikare wek parlementerekî vegere Parlementoya Kurdistanê.