Canê gelek zîndaniyên kurd li Turkiya di metirsiyê de ye

Lawên kurd yên di zîndanên Turkiya da eve ji 40 roj zêdetire dest bi mangirtina ji xwarinê kirîne li zîndana amedê,  batman û mêrdîn,  stenbul û erziromê rewşa 78 zîndaniya hatî ye astê mirinê û ji aliyê hikûmeta Turkiya ve li hember mangirtinan bê dengiyeka mezin heye û ev du roj in li piraniya bajêrên bakurê Kurdistanê serihldana gel destpêkiriye.

Hesîb Kaplan endamê perlemanê Turkiya di daxuyaniyekî de bo rojnameya evro ragehand ku li bakurê Kurdistanê êdî gel siyaseta çewisandin û tepeserikirinê ya hikûmeta Turkiya qebûl nake û di her warî da siyaseta zordariyê li hember siyasetmedar,  rewşenbîr û zîndaniyan dihête birêvebirin û got:  "em êdî neşêyin li hember siyaseta durpêçkirin ya li dijî Ebdulla Ocelan serokê parta karikerên Kurdistanê bêdeng bimînîn û niha çend hizar zîndaniyên siyasî yên kurd û bi sedan welatî bo başikirina rewşa ocelan û perwerdeya zimanê kurdî dest bi mangirtina ji xwarinê kirîne û rewşa 78 zîndanî li zîndanên Amed,  Batman,  Erzirom, Mêrdîn û Stenbulê gelek xirab bûye û jiyana wan di metirsiyê daye."

Hesîb Kaplan herwesa diyar kir ku daxwazyên mangirtiyan daxwazyên di cih de ne û heke serok wezîr erdogan û aliyên peywendîdar daxwazyên kurdan qebûl neken êdî kes neşêt rê li ber mirinan bigire û got:" ji niha ve xwenîşadanên mezin li bajêrên bakurê Kurdistanê destpê kirine û heke kurdek jî ji encama mangirtina ji xwarinê bimire êdî ne em û ne jî çu aliyekî dî neşêt rê li ber dijwariyê bigire û berpirsê her mirinek û kiriyarekê jî hikûmeta erdogane. "

 

 Evro