Nêçîrvan Barzanî û Erdogan li Enqereyê civiyan

 Serokwezîrê Kurdistanê Nêçîrvan Barzanî duhî, di çerçova serdana xwe ya bo Tirkiyeyê de digel serokwezîrê Tirkiyeyê Receb Tayib Erdogan li Enqereyê civiya.

Hevdîtina serokê hikûmeta herêma Kurdistanê Nêçîrvan Barzanî û serokê hikûmeta Tirkiyeyê Erdogan li avahiya serokwezîriyê pêkhat. Hevdîtina herdu serokwezîran ji bo medyayê girtî bû. Hevdîtinê nêzikî seetek û nîvê berdewam kir.

Di vê hevdîtinê de herdu aliyan li ser rewşa herêmê, Iraq, Kurdistan û Tirkiye sekinîn.

Li ser girîngiya pêwendiyên di navbera Tirkiye û herêma Kurdistanê de her du alyan tekîd li ser berdewamî û pêşdebirina pêwendiyên navbera Hewlêr û Enqereyê kirin.