Şeiban: Serokê parlamentoyê li dijî sazanê ye û bi 24 kursiyan ew post wergirtiye

Hewlêr-KDP.info- Endamê Serkirdatiya Partiya Demokrat a Kurdistanê (PDK) Dilşad Şeiban ragihand ku, weku karekî siyasî û demokratî, asayî ye ku PDKê baykota rûniştina Parlamentoyê bike, lê bûyera ku li parlamentoyê rûda destpê karekî nedirust bû ligel pirsên niştimanî. Herwiha got, eger serokê parlamentoyê ne ligel sazan û lihevkirina niştimanî ye, ma çawa bi 24 kursiyan ew post wergirtiye?.

Dilşad Şeiban, Endamê Serkirdatiya Partiya Demokrat a Kurdistanê (PDK) ji Rûdawê re ragihand: “Pêşeroja Kurdistanê bi vî awayî birêve naçe û kar ligel nayê kirin. Tişta ku duhî li parlamentoyê rûda destpêkeke nedirust bû bo kar ligel pirsên niştimanî.”

Şeiban wiha got: “Baykotkirina rûniştina parlamentoyê ji aliyê PDKê ve pêngavek di cihê xwe de bû. Nerazîbûna PDKê ne li ser naverok û hûrgiliyên pêşniyarqanûnê bû, lê belê ligel çawaniya têkeliya ligel wê pirsa hestiyar e. Sîstema hûkimraniyê bi vî awayî nayê guhertin, ku hejmara parlamenteran bigihê 56 endaman û hew. Ev yek gef e li ser yekrêziya niştimanî. Ez dixwazim bînim bîra serokê parlamentoyê ku ew li ser piroseya yekrêzî û lihevkirina niştimanî bi 24 kursiyan bûye serokê parlamentoyê. Eger ew ne ligel sazan û lihevkirina niştimanî ye, ma çawa bi 24 kursiyan ew post wergirtiye?.”

Dilşad Şeiban wiha got: “Eger bêjin me bi xwendina projeyekê PDKê şikand, bila di xwenê de jî şikestina PDKê nebînin, ji ber ku PDKê ji mefrezeyeke partîzanî dest pê kiriye ku îro hûkimraniyê dike.”