Parlementoya Kurdistanê bêyî PDK dicive

KDP.info-Hewlêr-Demjimêr 11:00 ji îro Sêşemê, Parlementoya Kurdistanê civînek ji bo xwendina proje yasayên YNK, Komela Islamî, Goran û Yekgirtûya Islamî derbarê Yasay Serokatiya Herêma Kurdistanê li darxist, civîn jî heta niha berdewame.

Parlementerên Partiya Demokrata Kurdistanê (PDK) ligel parlementerên tirkmen û xirîstiyan û pêkhateyên din beşdarî civîna îro ya Parlementoya Kurdistanê nebûne.

Berdevkê frakesyona PDK Mihemed Elî Yasîn beriya encamdana civîna parlementoyê  derbarê proje yasayên 4 aliyên siyasî de got: “Bêyî lihevkirina niştimanî, ew proje xizmeta Kurdistanê nakin.”

Derbarê gotegotên ku dibêjin dê PDK karûbarên tundûtîjiyê bike û cadeyê tevbigerênin daku rêgiriyê li encamdana civîna parlementoyê bigire, Yasîn got: “J bilî bersivdayîna rewa û yasayî, ti reftareke me ya din nabe, PDK cadeyê tevnagerîne û ew gotegot nerast in.”