Serok Barzanî fermana birêvebirina hilbijartinê Serokatiya Kurdistanê derxist

Hewlêr-KDP.info- Serokê Herêma Kurdistanê Mesûd Barzanî ferman da ku hilbijartinên Serokatiya Herêma Kurdistanê di 20ê Tebaxê de birêve biçe.

Serokê Dîwana Serokatiya Herêma Kurdistanê, Fuad Husên îro di daxuyaniyekê de ragihand: “Serokê Herêma Kurdistanê, Mesûd Barzanî li gorî yasaya Serokatiya Herêma Kurdistanê ya hejmara 1 ya sala 2005ê serastkirî û bi fermana herêmî ya hejmara 91ê ya sala 2015 biryar da hilbijartina giştî ya Serokê Herêma Kurdistanê 20ê Tebaxa 2015ê bê pêkanîn.”

Fuad Husên wiha got: “Serok Barzanî di fermana xwe de hemû aliyên pêwendîdar ji bo danîna karên pêwîst bi mebesta birêvebirina hilbijartinê erkdarkiriye, ku bi awayekî demokratîk û azad û hemû yasayên pêwendîdar û peyrewkirina hemû standardên cîhanî li ber çav bigrin.”