Nêçîrvan Barzanî diçe parlamentoyê
Hewlêr-KDP.info- Biryar e Encumena Herêmî ya Petrol û Gazê, bi serokatiya Nêçîrvan Barzanî serdana Parlmentoya Kurdistanê bike û ligel serokatiya parlamento û serokê fraksiyonan bicive.
Serokê fraksiyona Partiya Demokrat a Kurdistanê (PDK) di Parlmentoya Kurdistanêde, Umêd Xoşnaw ji malpera KDP.info re ragihand: “Sibe pêncşemê, saet 09:00 Encumena Herêmî ya Petrol û Gazê, bi serokatiya Nêçîrvan Barzanî serdana Parlmentoya Kurdistanê bike û ligel serokatiya parlamento û serokê fraksiyonan û komîteya çavkaniyên xwezayî, ew jî bo gotûbêjkirina çawaniya hinardekirina petrolê û nakokiyên ligel Bexdayê.”
Umêd Xoşnaw wiha got: “Di wê civînê de, dê axaftin li ser rêkeftin û nakokiyên di navbera Hewlêrê û Bexdayê de were kirin. Herwiha dê daxuyaniyekê bidin parlamentoyê derbarê rêjeya petrola hinardekirî.”
Hewlêr û Bexdayê li hev kiribûn ku, Herêma Kurdistanê rojane 550 hezar bermîl petrol ji Bexdayê re hinarde bike û Bexda jî % 17 ji budceya Iraqê bide Herêma Kurdistanê. Hewlêr dibêje ev rojane 550 hezar bermîlan dişînin lê Bexda pereyan yan naşîne yan jî pir kêm dişne lewma em mûçeyê fermanberên xwe nadin.
