Serok Barzanî rizgarbûna Tikrîtê li Ebadî pîroz kir
Hewlêr-KDP.info- Serokê Herêma Kurdistanê Mesûd Barzanî rizarkirina bajarê Tikrîtê yê Iraqê li Serokwezîr Heyder Ebadî pîroz kir.
Bajarê Tikrîtê yê Iraqê roja 1ê Nîsana îsal ji aliyê hêzên artêşa Iraqê û milîsên şîe ve û bi alîkariya balafirên şer ên Amerîka û hêzên hevpeyman ji destê DAIŞê hatibû derxistin.
Bi vê helkeftê, Serokê Herêma Kurdistanê Mesûd Barzanî îro bi telefonê rizgarbûna Tikrîtê li Serokwezîrê Iraqê Heyder Ebadî pîroz kir, Ebadî jî pêşdeçûn û serkeftinên Pêşmerge di şerê DAIŞê de li Barzanî pîroz kir.
Serok Barzanî û Ebadî her wiha tekez kirin ku divê hevkariya navbera hêzên Iraqê û Pêşmerge zêdetir bibe û ev yek heta xilasbûna terorîstên DAIŞê bidome.
