Nêçîrvan Barzanî îro êvarî digihê Îtalya

Hewlêr-KDP.info- Îro êvarî Serokwezîrê Herêma Kurdistanê Nêçîrvan Barzanî bi serdanekê digihê paytexta Îtalya Romayê û ligel her yek ji qedasetê Papayê Vatîkanê û Wezîrê derve yê Vatîkanê û Serokwezîr û Wezîrê Derve yê Îtalya bicive.

Sekreterê Rojnamevanî yê Serokwezîrê Herêma Kurdistanê Samî Ergoşî ragihand ku, îro êvarî Serokwezîrê Herêma Kurdistanê Nêçîrvan Barzanî bi serdaneke fermî digihê paytexta Îtalya Romayê.

Samî Ergoşî ji malpera Hikûmeta Herêma Kurdistanê re ragihand ku, “Di vê serdanê de Nêçîrvan Barzanî dê ligel her yek ji qedasetê Papayê Vatîkanê û Wezîrê derve yê Vatîkanê û Serokwezîr û Wezîrê Derve yê Îtalya bicive.”

Ergoşî wiha got: “Serokwezîrê Kurdistanê di wan civînan de, dê rewşa navçeyê û jinavbirina terorê û rewşa mirovî û pirsa koçberan û pêşxistina pêwendiyên di navbera Herêma Kurdistanê ligel Vatîkan û Îtalya û çendîn pirsên din gotûbêj bike.”