Sibe li ser daxwaza Nêçîrvan Barzanî 5 aliyên siyasî yên Kurdistanê dicivin

Hewlêr-KDP.info- Biryar e sibe li Encumena Wezîran a Herêma Kurdistanê li ser daxwaza Serokwezîrê Herêma Kurdistanê Nêçîrvan Barzanî 5 aliyên siyasî yên sereke yên Herêma Kurdistanê bicivin. Herwiha endamekî Polîtburoya Komeleya Îslamî ya Kurdistanê jî naveroka wê civînê ji malpera KDP.info re eşkere dike.

Endamekî Polîtburoya Komeleya Îslamî ya Kurdistanê Bîlal  Silêman ji malpera KDP.info re ragihand: “Biryar e sibe li Encumena Wezîran a Herêma Kurdistanê li ser daxwaza Serokwezîrê Herêma Kurdistanê Nêçîrvan Barzanî 5 aliyên siyasî yên sereke yên Herêma Kurdistanê li ser asta bilind bicivin û çend pirsên girîng gotûbêj bikin.”

Ew alî jî ev in: Partiya Demokrat a Kurdistanê (PDK), Tevgera Goran, Yekîtiya Niştimanî ya Kurdistanê (YNK), Yekgirtûya Îslamî ya Kurdistanê û Komeleya Îslamî ya Kurdistanê.

Derbarê naveroka wê civînê jî, Bîlal Silêman wiha got: “Di civînê de wê behsa rewşa Şingalê û navxweya Herêma Kurdistanê û pêwendiyên di navbera Hewlêr û Bexdayê de werin gotûbêj bikin.”