Perlmantoya Ewropayê: Kurd hêjayî serxwebûn û birêvebirina xwe ne

Ewropa-KDP.info- Cîgirê Serokê Parlamentoya Yekîtia Ewropayê ragihand ku, ew pesnê ezmûna dîmokrasî û pêkvejiyana aştiyane ya Herêma Kurdistanê dide û dibeje ku kurd hêjayî serxwebûn û birêvebirina xwe ne.

Di çarçoveya kar û çalakiyên nûneratiya Hikûmeta Herêma Kurdistanê li Yekîtiya Ewropayê, Nûnerê Hikûmeta Kudistanê Delawer Xalid Ajgeyî li Yekîtiya Ewropayê li avahiya Parlamentoya Ewropayê ligel Cîgirê Serokê Parlamentoya Ewropayê Rîçar Çarnêkî civiya.

Di wê hevdîtinê de behsa şerê li dijî terorîstan hat kirin û Rîçar Çarnêkî amaje bi mêrxasî û berxwedana Kurdistanê kir û hêviya serkeftinê ji Hêzên Pêşmerge re xwest.

Ji aliyê xwe ve Nûnerê Hikûmeta Kudistanê Delawer Xalid Ajgeyî li Yekîtiya Ewropayê daxwaza alîkarî û piştevaniyên zêdetir ji Yekîtiya Ewropayê kir.

Herwiha Cîgirê Serokê Parlamentoya Yekîtia Ewropayê pesnê ezmûna dîmokrasî û pêkvejiyana aştiyane ya Herêma Kurdistanê da û got ku kurd hêjayî serxwebûn û birêvebirina xwe ne.