Hevkariyên Kanadayê yên bo Kurdistanê didomin
Hewlêr-KDP.info- Serokwezîrê Kurdistanê pêşwazî li Konsulusê Kanadayê kir û di wê hevdîtinê de şanda mêvan bi minasebeta serkeftinên Hêzên Pêşmerge pîrozbayî li gelê Kurd û hêzên Pêşmerge kir û tekez li ser vê yekê kir ku Kanada hevkariyên xwe yên leşkerî û însanî bo Kurdistanê didomîne.
Îro çarşemê 28/1/2015 Serokwezîrê Kurdistanê Nêçîrvan Barzanî pêşwaziya Konsulusê Kanadayê yê li Iraqê Bruno Saccomani û heyeteke pê re kir.
Di hevdîtinê de Konsulusê Kanadayê bi minasebeta serkeftinên Hêzên Pêşmerge pîrozbayî li gelê Kurd û hêzên Pêşmerge kir û tekez li ser vê yekê kir ku Kanada hevkariyên xwe yên leşkerî û însanî bo Kurdistanê didomîne.
Soccomani herwiha eşkere kir ku netenê hikûmet û aliyên siyasî belku xelkê Kanadayê jî dixwaze peywendiyên xwe yên li gel Kurdistanê bihêztir bike û hikûmeta Kanadayê jî hewl bo handana kompaniyên Kanadayî dide daku li Kurdistanê de sermayeya xwe bitevger bikin.
Li hember de jî Serokwezîrê Kurdistanê jiber hevkariyên heyî spasiya hikûmeta Kanadayê kir û hêvî xwest ku hevkariyên leşkerî û însanî yên Kanadayê bo Kurdistanê bidomin.
Serokwezîrê Kurdistanê herwiha eşkere kir ku li Kurdistanê de derfeta kar kirinê bo kompaniyên Kanadayî heye û Kurdistan jî dixwaze di her warî de peywendiyên xwe yên li gel Kanadayê bihêztir bike.
