Tirkiye: Zimanê kurdî welat perçe nake

Tirkiye-KDP.info- Serokwezîrê Tirkiyeyê Ahmet Davutoglu derbarê zimanê Kurdî de dibêje, axaftina bi zimanê kurdî welat perçe nake û berûvajî welat dibe yek.

Dawdoglu di civîna heftane ya AKPê de li Parlamentoyê, HDPê tometbar kir ku ew dixwaze zimanê kurdî her qedexe bimîne ji bo ku li ser wê siyastê bike.

Bi gotina Ahmet Davutoglu, MHPê jî di rêya dijatîkirina zimanê kurdî, dixwaze siyasetê bike û nijadperestiyê pêş bixe, herwiha ji MHPê xwest ku ti dersên nijadperestiyê nede wan.

Serokwezîrê Tirkiyê herwiha got, ew çawa xwedî li Telefer û Kobanê derketine, ewê di vê xwedîlêderketinê berdewam bikin.