Li ser daxwaza Serok Barzanî Parlamento şandina pêşmerge bo Kobanê pejirand

Hewlêr-KDP.info- Parlamentoya Kurdistanê di rûniştina xwe ya îro de şandina Hêzên Pêşmerge bo bajarê Kobanê gotûbêj kir û vê êvarê jî ew biryar hat pejirand.

Duhî Serokatiya Herêma Kurdistanê nameyek ji Parlamentoya Kurdistanê re şand û tê de daxwaza razîbûnê ji Parlamentoyê kir bo şandina Hêzên Pêşmerge bo bajzarê Kobanê.

Parlamentoya Kurdistanê bi amadebûna Wezîrê Pêşmerge Mistefa Seyd Qadir di cîvîneke girtî de biryar da Hezên Peşmergeyên Kurdistanê biçîne Kobanê.

Serokê Parlamentoya Kurdistanê Yusif Mihemed ragihand ku, li ser daxwaza serokê herêmê û ji ber Herêma Kurdistanê hevpeymanê wê hêzê ye ku li Kobanê şerê DAIŞ dike û ji bo parastina asayîşa neteweyî parlemana Kurdistanê bi giştî deng da biryara ku bi mebesta piştgîrîkirin û parastina Kobanê, hêzên pêşmerge bişînin Kobanê .

Mihemed ragiand jî, sibe ev biryar li rojnameya Weqaî ya Kurdistanê tê belav kirinê.