Nivîsingeha Serokwezîran hevkariya koçberên Çiyayê Şingalê dike
Hewlêr-KDP.info- Nivîsingeha Serokwezîrê Herêma Kurdistanê bo karûbarên koçberan, tevahiya pêdviyên jiyanê ji koçberên li ser çiyayê Şingalê re amade kiriye û dê bi balafiran ji wan re bişîne.
Dr. Nûrî Osman Nûnerê Encûmena Wezîran bo karûbarên koçberan ragihand: “Piştî ku çekdarên DAIŞê destê xwe danîn ser riya navbera Çiyayê Şingalê û Rojavayê Kurdisatanê me daxwaz kir ku hevkarî bi rêya balafiran bighên koçberên li Çiyayê Şingalê.”
Li gor Dr. Nûrî wan 10 hezar betanî û 5 hezar doşek û 200 ton xwarin û hejmareke pêdviyên din wek cilên zivistanê û şîrê zarokan ligel bêhtirî 300 çadir ji wan re hatiye amadekirin.
Nûnerê Encûmena Wezîran bo karûbarên koçberan derbarê kêmiya serdana balafiran ji bo çiyayê Şingalê wiha got: “Ji ber rewşa hewayê û icacê balafir pir bi kêmî diçin çiyayê Şingalê.”
Li gorî amarên nafermî, derdora 10 hezar kes ji kurdên êrîzdî li ser Çiyayê Şingalê mane.
