Parlamentoya Kurdistanê dosya Êzdiyan dibe Holanda

Lahayî-KDP.info- Şanda Parlamentoya Kurdistanê li ser vexwendina fermî ya Serokê Parlamentoya Holanda îro ligel şandekê serdana Holanda dike û dosya Êzdiyan dibe Holanda.

Derheqa serdanê de parlemanterê Kurdistnê û endamê şandê Şêx Şamo ji KDP.info re got: “ Şanda Parlamentoya Kurdistanê bi serokatiya Serokê Parlamentoya Kurdistanê Yusif Mihemed li ser vexwendina femî ya Parlamentoya Holanda ye û ligel şandeke ji hemû fraksyonên parlamentoyê serdana wî welatî dike.”

Şêx Şamo wiha axifî: “Di nav şandê de nûnerên Turkmen, Kurdên Êzdî, Mesîhî û Xiristiyanan cîh digrin ligel Serokê Komîteya Mafê Mirov Soran Umer û Sekreterê Parlamentoya Kurdistanê Fexredîn Qadir. Armanca serdanê jî gehandina dosya karesata Şingalê ye ku wek jenosîd were naskirin. Herwiha şanda Kurdistanê dê serdana wezareta derve ya Holanda jî bike.”

Serokê Parlamentoya Kurdistanê di serdana xwe de karesata Şingal û Kurdên Êzdî bi çendîn belge û dokumenteran ji Serokê Parlamnetoya Holanda û wezareta derve ya wî welatî re vedibêje û dê ji wan bixwaze ku ev karesata han wek jenosaîd were naskirin.