Nêçîrvan Barzanî ligel berpirsên Tirkiyê civiya

Enqere-KDP.info-Serokwezîrê Herêma Kurdistanê Nêçîrvan Barzanî ku bi serdaneke fermî li Enqereyê ye, îro serê sibehê ligel wezîrê derve û wezîrê enerjiyê yên Tirkiyê civiya.

Berî civîna xwe ya ligel serokwezîrê Tirkiyê, serokwezîrê Herêma Kurdistanê Nêçîrvan Barzanî ligel wezîrê derve yê Tirkiyê Ahmed Davutoglu, wezîrê enerjiyê Taner Yildiz civiya.

Di civînê de ku saet 9ê sibehê pêk hat, serokê MÎTê Hakan Fîdan û şêwirmendê wezîrê derve Feridun Sinirlioglu jî amade bûn.

Hevdîtina di navbera Serokwezîr Nêçîrvan Barzanî û wezîrê derve yê Tirkiyê Ahmed Davutoglu nêzîkî 2 saetan dewam kir.

Şanda Herêma Kurdistanê ji her yek ji cîgirê Serokwezîr Qubad Talebanî, Wezîrê Enerjiyê Aştî Hawramî, berdevkê Hikûmeta Kurdistanê Sefîn Dizeyî û parêzgarê Kerkûkê Necmedîn Kerîm pêk tê.

Nêçîrvan Barzanî û şanda ligel, li ser vexwendina serokwezîrê Tirkiyê Receb Teyib Erdogan şeva borî çû Enqereyê.