Ebdulbast Seyda, di Sûrîya Nû de bi awayekî destûrî mafê Kurd tê vedestkirin
Di kongireyeka rojnamevanî de, Ebdulbast Seyda serokê Encumena Niştimanîya Sûrîya ku li bajêrê Hewlêrê hatîye encamdan, ji destpêkêve sipasîya xwe arasteya Mesûd Barzanî serokê herêma Kurdistanê kir, ku hemû alîyên Kurdistanê komkir.
Herweha Ebdulbast Seyda behsa stema rejîma Sûrîya ya niha kir ewê ku li hember hevwelatîyên sivîl Sûrîya dike, rojana bi çendan hevwelatîyên bi guleya evê rejîmê dibine qurbanî, ev desthilata rewayîya xwe ji dest daye.
Di pişkeka dina evê kongireyê, Ebdulbast Seyda ragihand, ku kombûna hevpişka navbera Turkîya û Kurdistan û encumena niştimanîya Sûrîya û encumena Niştimanîya Kurdên Sûrîya hat encamdan, tê de behs li pirsên nihayên Sûrîya hate kirin.
Ebdulbast Seyda got, " ti kes nikare bûna Kurd li Sûrîya înkar bike, herweha got jî, ne encumena Niştimanîya kurdên Sûrîya û ne ti hêzên din behsa cudabûnê nekirîye".
