Serok Barzanî ligel wezîra derve ya Îtaliyayê û Papaya Vatîkanê civiyan
Îtaliya-KDP.info- Serokê Herêma Kurdistanê û Papaya Vatîkanê û wezîra derve ya Îtaliyayê li Romayê civiyan.
Di çarçoveya serdana xwe ya bo Îtaliyayê îro îna 30/5/2014 Mesûd Barzanî Serokê Herêma Kurdistanê li Paytexta wî welatî Romayê de ligel wezîra derve Federica Mogherini civiya.
Di hevdîtina han de Serok Barzanî û Mogherini behsa peywendiyên navbera Kurdistan û Îtaliyayê û herwiha mekanîzimên pêwîst bo berfiretir kirina peywendiyên han kirin.
Di berdewamiya hevdîtina Serok Barzanî û Mogherini de rewşa siyasî ya Iraq û deverê hate nîqaşkirin.
Piştî bi dawî hatina vê hevdîtina han Serokê Kurdistanê Mesûd Barzanî serdana Papaya Vatîkanê jî kir û di hevdîtina xwe ya li gel Papayê de jî behsa rewşa siyasî û ewlekarî ya Îraq û deverê kirin.
Serok Barzanî û Papa behsa rewşa jiyana pêkhateyên din ên olî yên li Kurdistanê û herwiha çanda bihevre jiyana pêkhateyên curbicur yên Kurdistanê jî hate kirin.
