Serokê Herêma Kurdistanê Nêçîrvan Barzanî û Qubad Talebanî bi erkê pêkanîna Hikûmetê raspard
Hewlêr-KDP.info-Fuad Husên Serokê Dîwana Serokayetiya Herêma Kurdistanê ragihand ku Serokê Herêma Kurdistanê, Nêçîrvan Barzanî û Qubad Talebanî bi erkê pêkanîna kabîneya heştem a Hikûmetê raspard.
Fuad Husên li daxuyaniyeke de ragihand: Îro sêşem 20/05/2014 birêz Mesûd Barzanî Serokê Herêma Kurdistanê, li gor birgeya dozdehemê maddeya dehema yasaya Serokayetiya Herêma Kurdistana – Iraq hejmare (1) ê sala 2005 ê hemwarkirî bi yasaya hejmara (2) ê sala 2006 û yasaya hejmara (1) ê sala 2009, her dû rêzdar Nêçîrvan Idrîs Mustafa Barzanî wekî Serokê Encumena Wezîran û Qubad Celal Talebanî wekî Cîgir raspard ku kabîneya heştema Hikûmeta Herêma Kurdistanê pêkbînin, ku her îro ji aliyê Parlemena Kurdistanê ve hatiye destnîşan kirin.
Serokê Dîwana Serokayetiya Herêma Kurdistanê li dirêjahiya daxuyaniya xwe de got ku Serok Barzanî îro îmzaya wê fermana Herêmî kir û li gor fermanê divê her dû rêzdar Nêçîrvan Idrîs Mustafa Barzanî wekî Serokê Encumena Wezîran û Qubad Celal Talebanî wekî Cîgir, li (30) sîh rojan de kabîneya heştema Hikûmeta Herêma Kurdistanê pêkbînin.
Parlamentoya Kurdistanê di civîna xwe ya îro de serokwezîr û cîgirê serokwezîrê Herêma Kurdistanê bi piraniya dengên parlamenteran, bi nav kirin û Nêçîrvan Barzanî bi 99 dengan wek serokwezîrê Kurdistanê hat binav kirin.
