Şeş piroje yasa û diyarkirina Serokê hikûmetê û cîgirê wî di bernameya Parlemento de ne

Hewlêr-KDP.info-Zagros Ehmed Kemal, Şêwirmendê ragihandina Serokayetiya Perlementoya Kurdistanê ji KDP.info re ragihand ku Parlamentoya Kurdistanê dê roja sêşemê 13ê Gulanê bicive û bernameya wê civînê ji 3 birgehan pêk dêt, ku bi vî awayî ne:

 

Yekemîn: Giftûgokirina piroje yasaya guhertina sêyemîn yasaya serokayetiya Herêma Kurdistanê jimare (1) ya sala 2005.

 

Duyemîn:Xwendina yekemîn bo van piroje yasayên xwarê li gor madeya 17:

 

1- Piroje yasaya guhertina yasaya rêkxistina xwepêşandanan li Herêma Kurdistanê jimare 11 ya sala 2010.

 

2- Piroje yasaya zimanên fermî li Herêma Kurdistanê.

 

3- Piroje yasaya pêdana bûdceyê hizbên Herêma Kurdistanê.

 

4_ Piroje yasaya desteya serbixwe ya hilbijartinan û rapirsiyan li Herêma Kurdistanê.

 

5_ Pirojebiryara paytexta aştiyê li Herêma Kurdistanê û Iraqê.

 

6- Pirojebiryara guhertina madeyên 38 û 39.

 

Sêyemîn: Navnana serok û cîgirê serokê hikûmeta Herêma Kurdistanê.

 

Hêjayî gotinê ye ku  Serokê Parlamentoya Kurdistanê, ji endamên parlamentoyê xwest, roja 13ê Gulanê û saet 11:00 bi dema Hewlêrê li Parlamentoyê bicivin.