Serokê herêma Kurdistanê digel alîyên sîyasîyên Kurdistanî re kombûnek sazkir
Birêz Mesûd Barzanî serokê herêma Kuridstanê li gel serok û nûnerên partî, hêz û alîyên siyasîyên herêma Kurdistanê kombûneke girîng û berfireh saz kir û di naveroka kombûnê jî de gişt alîyên beşdarbûyî li ser 4 xalên serekî yek helwêst bûn û tekezî li ser yekrêzî û yek helwsêtîya mala Kurdî û parastina wê û herwiha çareser nebûna pirsgirêkên siyasî bi gef û hêzê kirin.
Li ser daxwaza Mesûd Barzanî serokê herêma Kurdistanê îro hêz û alîyên siyasîyên herêma Kurdistanê bo gengeşekirin û guftûgûkirin li ser rewşa hestyar a deverê, di evê kombûnê her yek ji Yekîtîya Niştîmanîya Kuridstan, Partîya Demokrata Kurdistan, Partîya Komonîsta Kurdistan, Partîya Sosyalîst Demokrata Kurdistan, Yekgirtûya Îslamîya Kuridstan, Komela Îslamîya Kuridstan, Partîya Zehmetkêşên Kurdistan û Bizava Îslamîya Kuridstanê amade bûn.
Herweha Erselan Bayîz serokê parliyamenta Kuridtsanê û Nêçîrvan Barzanî serok wezîrê herêma Kuridstanê serpireştîya kombûneka girîng û berfireh li gel serok û nûnerên hêz û alîyên siyasîyên herêma Kuridtsanê kir.
di kombnûa de, basa rewşa siyasîya îro ya herêma Kurdistanê, Iraqê û deverê û anîna hêza serbazîya Iraqê bo nawçeyên Şingal û Zummar hat kirin û di evê bareyê jî de, komîteya hemahengîya li gel artêşa Iraqê û hêzên Amerîkayê pêşveçûnên dawîyê yên li ewan her du deveran pêşkêşî beşdarbûyên kombûnê kir û şiroveyeke hûr li ser ewan rêkevtinname û dokyumentane pêşkêş bi amadebûyan kir ku heta niha ji alîyê hukûmeta Iraqê ve kar bi wan nehatiye kirin.
Di kombûna îro de alîyên siyasîyên herêma Kuridstanê li ser evan xalan bi hev re nerîn û helwêsteke hevpişk hebûn:
1-Tekezîkirin li ser yekrêzî û yek helwêsta mala Kurd û amadeyîya bo dakokîkirinê ji destkevtên gelê Kurdistanê.
2-Arîşeyên siyasî bi hêz yan jî bi gef nahên çareserkirin, belku bi rêya cîbicîkirina destûr û rêkevtinnameyan û bi kar anîna rêya diyalogê dihên çareserkirin.
3-Tekezîkriin li ser biratîya Kurd û Ereb û pêkhatên din wek bingeha serekî bo desthilatdarîya Iraqê.
4-Alîyên beşdarbûyî dixwazin ku alîyên Iraqî û raya giştî ya Iraqê rola dîrkîya xwe ji bo parastina demokrasî û dezgehî û karê bi komane di rêvebirina desthilatê de bibînin.
Yekîtîya Niştimana Kurdistanê
Partîya Kommûnîsta Kurdistanê
Partîya Soşîyalîsta Demokrata Kurdistanê
Yekgirtîya Îslamîya Kurdistanê
Komeleya Îslamîya Kurdistanê
Partîyên Zehmetkêşana Kurdistanê
Bizava Îslamîya Kurdistanê
Partîya Demokratîya Kurdistanê
