Zêdetir ji 700 Penaberên Rojava hatin Herêma Kurdistanê

Hewlêr-KDP.info/ duh duşemeya 3/3/2014ê, 700 Penaberên din yên Rojava derbasî Herêma Kurdistanê bûn.

 

Di çarçoweya hatina Kurdên Rojavayê Kurdistanê bo Herêma Kurdistanê de, duh zêdetir ji 700 Kurdên Rojavayê Kurdistanê jiber şer û rewşa nexweş ya Sûriyayê hatin Başûrê Kurdistanê.

 

Di vê derbarê de berpirsê komelgeha sînor ya Pîşabûrê Şewket Berbiharî ragehand ku duh zêdetir ji 700 Kurdên Rojavayê Kurdistanê yên ku jiber şer û aloziyên heyî welatê xwe bicîh hêştine û berê xwe dane Herêma Kurdistanê.

 

Berbiharî herwiha eşkere kir ku ev Penaberên han beriya çend rojan gehêştibûn ser sînor û duh weke Penaber bi awayekî fermî derbasî Herêma Kurdistanê bûn.

 

Hêjayî gotinê ye, hejmara penaberên Rojavayê Kurdistanê li Herêma Kurdistanê gehiştiye nêzîkî 250 hezar kesî.