Erdogan û Wezîrê Derve yê Êranê rewşa Sûriyê û Iraqê gengeşe kirin

Ajans-KDP.info/ Mihemed Cevad Zerîf Wezîrê Derve yê Êranê digel Serokwezîrê Tirkiyê Receb Tayîb Erdogan û Wezîrê Derve yê Tirkiyê Ehmed Davûtoglu civiya.

 Li gorî ajansan, Wezîrê Derve yê Êranê Mihemed Cevad Zerîf, ku duh (04.01.2014) bo hevdîtina digel rayedarên tirk çûbû Stenbolê, bi Serokwezîr Erdogan û Wezîrê Derve Davûtoglu re rûnişt.

 Hat ragehandin ku, di civînên Zerîf digel Erdogan û Davûtoglu de pêwendiyên navbera Tehran û Enqerê, rewşa herêmê, bûyerên Sûriyê û alozî û tundiya li Iraqê bi taybet li parêzgeha Enbarê hatiye gotûbêjkirin.