Li Bakurê Kurdistanê çalakiya bîranîna komkujiya Roboskiyê
Bakurê Kurdistanê-KDP.info/ Duyemîn salvegera Komkujiya Roboskî, li piraniya bajêrên bakurê Kurdistanê, bi girseyî hat bibîranîn.
Ev çend roj in Kurd li her derî li bakûrê Kurdistanê û Tirkiyê bi meş û daxuyaniyên çapemeniyê hem komkujiya Roboskî ya di encama bombebarana artêşa Tirkiyê de 34 hemwelatî hatin kuştin, bibîrtênin û hem jî daxwaza eşkerekirina kujeran dikin.
Li gundê Roboskî çalakiya bîranîna komkujiya Roboskiyê hat encamdan û bi hezaran mirov tevlî ve merasîmê bûn.
Li meydana gundê Roboskî bi navê “Em li Roboskî daraza leşkerî naxwazin” standa îmzeyan ku hat vekirin ligel wê pêşangeheke wêneyan a ji roja 34 hemwelatiyan jiyana xwe ji dest dane heta niha hat vekirin.
Li Diyarbekirê jî, şaxa BDPê ya Diyarbekir, Komelaya Mafên Mirovan (İHD) a Diyarbekir û şaxa Konfederasyona Sendikaya Karmendan a Diyarbekir (KESK) li pêş ‘bîrdariya jiyanê’ a parka Koşuyolu tevlî çalakvanên ‘dayîkên şemiyê’ çalakiyek li darxistin û ew komkujî bibîranîn.
Herwiha li Enqerê, salvegera bûyerên Roboskîyê bi belgefîlmêkê hate birbîrxistin.
Belgefîlma bi navê “Roboskî Mon Amour” (Robîskî Evîna Min) li ser rêwîngiya tirk û kurdekî ku dixwazin werin Roboskiyê, disekine.
Herwiha li Dêrsimê bi boneya salvegera Komkujiya Roboskiyê bi sedan kesên ku li Kolana Hunerê civiyan ta Meydana Seyîd Riza xwepêşandaneke protestoyî saz kirin.
