Berhem Salih: Serdana Barzanî bûyereke dîrokî û girîng e

Silêmaniyê-KDP.info/ Cîgirê Sekreterê Giştî yê Yekîtiya Niştimanî ya Kurdistanê (YNK) Dr. Berhem Salih ragehand ku serdana Serokê Herêma Kurdistanê Mesûd Barzanî ya Diyarbekirê bûyereke dîrokî û girîng e.

 

Dr. Berhem Salih serdana Serokê Herêma Kurdistanê Mesûd Barzanî ya bo Diyarbekir a Bakurê nirxand û wiha axifî: " Serdana Serok Barzanî serdaneke dîrokî û girîng e, êdî qet careke din  kes nikare pêgeha Kurdan ji nedîtî ve bibîne."

 

Cîgirê Sekreterê Giştî yê Yekîtiya Niştimanî ya Kurdistanê (YNK) wiha dibêje: "Berê ku zimanê Kurdî qedexe bû, îro Barzanî bi zimanê şêrîn ê Kurdî peyama aştî û birayetiyê pêşkêş dike, loma ev serdana han bûyereke girîng û dîrokî ye. Di heman demê de divê Herêma Kurdistanê piştgiriya bidestxistina mafên gelê Kurd bike li hemû parçeyên din ên Kurdistanê."

 

Berhem Salih hêvî dike ku proseya aştiyê li Bakurê Kurdistanê û Tirkiyê di demeke herî nêzîk de bigihe encamekê û mafên neteweyî yên gelê Kurd li Bakurê Kurdistanê bên bidestxistin.