Serok Barzanî ji bo Serdana Îmaratê Hat Dawetkirin
Serokê Herêma Kurdistanê Mesûd Barzanî dê bi awayeke fermî serdama Îmaratê bike. Konsûlê giştîyê Îmaretên Yekgirtîyên Erebî dawennameyeke fermî ya welatê xwe bo serdaneke fermî pêşkêşî Mesûd Barzanî serokê herêma Kurdistanê kir.
Li gor nûçeyeke malpera fermîya serokatîya herêma Kuridtsanê (KRP), îro çarşembîyê Mesûd Barzanî serokê herêma Kurdistanê li Selahddînê pêşwazî li Ebdullah Eltonêcî konsûlê giştîyê Îmaretên Yekgirtîyên Erebî li herêma Kurdistanê kir.
Li gor heman nûçeyê, di evê dîdara îro de konsûlê giştîyê Îmaratê silavên germên Şêx Xelîfer bin Zayid al Nehyan serokê Îmaretên Yekgirtîyên Erebî û hakimê (mîrê) Abûzabî gihande serok Barzaanî û herwsia dawetnameyeke fermî ya Şêx Muhemed bin Zayid al Nehyan cihgirê (welî ehdê) Abûzebîyê bo serdan kirina Îmaratê radestî serok Barzanî serokê herêma Kurdistanê kir.
Malpera serokatîya herêma Kurdistanê herwisa ragihandiye, ku konsûlê giştîyê Îmaratê li ser amadekarîyên vekirina baregeha konsûlxaneya welatê xwe li herêma Kurdistanê jî axivîye û ragihandiye, ku vekirina konsûlxaneya Îmaratê di paşerojeke gelek nêzîk de bibe hokarê xurtkirina peywendîyên navbera Îmaratê û Kurdistanê û pesna pêşkevtin û geşeyên herêma Kurdistanê di gişt biwaran de da.
Li gor nûçeya malpera serokatîya herêma Kurdistanê, serok Barzanî di evê dîdarê de bi rêzdarî ve dawetnameya cihgirê hakimê Ebûzabîyê qebûl kiriye û ragihandiye, ku herêma Kurdistanê bi hemû hêz û şîyana xwe ve piştîgîrîya geşepêdana peywendîyên siyasî û baorîyên navbera her du alîyan dike.
Serokê herêma Kurdistanê herwisa tekezî li ser ewê çendê kiriye, ku Kuridstan bi hemû awayî hêsankarîyan bo hatina kompanyayên Îmaratî jî dike da ku beşdarîyê di avedankirina Kurdistanê de bikin û bi taybetî jî di her du biwarên geştevanî (torîzm) û çandinîyê de alîkarîya Kurdistanê bikin.
