Divê di Cinêv 2 de pirsa Kurdî bikeve rojevê

Ajans-KDP.info/ Encûmena Niştimanî ya Kurdî nameyek belav kir û di nameya xwe de tekez kirin ku divê pirsa Kurdî di Cinêv 2 de bikeve rojevê û ji bo Sûriya paşerojê jî federalîzm wek çareseriya herî maqûl tê destnîşankirin.

Nûnerê Navnetewî yê Sûrîyê Exder Ibrahîmî bangeke nû li opozîsyona Sûrî kir ku beşdarî li Kongreya Cinêv 2 pêşnîyarkirî bikin.
 
Ibrahîmî duh li bajarê Şam paytexta Sûriyê ragihand ku, bi bê beşdararbûna hevrikên Sûriyê ne gengaze e ku Kongreya Cinêv 2  pêk were.
 
Beriya beşdarîkirina di Kongreya Cinêv 2, opozisyona Sûriyê dixwazin ku serokê Sûrîyê Beşar Esed dest ji karê xwe berde.
 
Tê hêvî kirin ku Kongreya Cinêv 2 di dawîya vê mehê de bê encamdan.

Hêjayî gotinê ye ku, Ibrahîmî geşbîniya xwe dîyar kir ku cudabîrîyên heyî dê werin çareser kirin.