Divê Turk piştevaniya dewleta kurdî bikin

Rojnama Evro/ Nivîser û vekolereka Turk diyar kir ku, heta dewleta Kurdî nehête avakirin li herêma rojihelata navîn û bi taybetî jî Turkiye aramî dirust nabe û avakirina dewleta Kurdî çi ziyana xwe bo Turkiye nîne û kurd û Turk dişên wek du dewletên cîran peywendiyên gelek baş li gel yektir dirust bikin û heta dewleta kurdî ava nebe pirsa Kurdî li rojihelata navîn nahête carekirin.

Nivîser û vekolera navdara Turk dikiture Nuray Mert diyar kir ew guhorînên li rojihelata navîn û bizavên ku ji aliyê hêzên kurdî dihênekirin hemû vê rastyê nîşa diden ku Kurdan divê dewleta xwe ava bikin û bêguman heke em bi rengekê zanistî berê xwe bideynê divê Turk piştevaniyê li avakirina dewleta kurdî bikin û got: "Pirsa Kurdî pirsa hemû dewletên rojihelata navîne û heta ew pirse nehête çarekirin devera me tena nabe, bi taybetî li Turkiye ku niha kurd bi rengekê mezin xwe rêkxistin kirîne û xebatê dikin heta pirsa kurdî nehête çarekirin û kurd dewleta xwe ava neken dê Turkiye di nava aloziyan da be û tena nabît, çunku ezmûnên sed salên borî vê rastyê baş nîşa me dide."

Dr. Nuray Mert diyar kir heke dewleta kurdî ava bibe Kurd û Turk dişên wek du dewletên cîran û gelên ku bi salane peywendiyên baş li gel yektir hene hevkariya yektir bikin û heke em berê xwe bideyne peywendiyên Turkiye li gel herêma Kurdistana Îraqê ew rastî baştir bo me aşikira dibe û got: "Ji ber hindê jî divê gelê Turkiye astengiyan li hember mafê kurdan dirust neken. Bo çî em piştevanyê li avabûna dewleta Felestînê dikin û me nevê Kurdên birayê me bibine xwedan dewlet? Ez bawerim bi avabûna dewleta Kurdî û çarekirina pirsa Kurdî dê Turkiye gelek bi hêz bibe û wê demê şer jî dê bi temamî ji holê rabe."