Êranê bi alaya Kurdistanê pêşwaziya Nêçîrvan Barzanî kir
Êran-KDP.info/ Hikûmeta Komara Islamî ya Êranê dema pêşwazî li Serokwezîrê Herêma Kurdistanê Nêçîrvan Barzanî kir, alaya Kurdistanê jî li tenişt ya Êranê danî ser maseyê.
Serokwezîrê Kurdistanê Nêçîrvan Barzanî bi mebesta beşdarbûna merasima sondxwarina serokomarê nû yê Êranê Hesen Rûhanî, roja 4’ê vê mehê serdana Tehranê kir.
Di pêşwazîkirina Barzanî de cara yekem e ku Komara Islamî ya Êranê alaya Kurdistanê li tenişt ya Êranê danî ser maseya berpirsekî paye bilind ê Herêma Kurdistanê.
Di vê serdanê de Wezîrê Îrşadê yê Komara Islamî ya Êranê ji bo sondxwarina kabîneya hikûmeta Hesen Rûhanî pêşwazî li Serokwezîrê Kurdistanê Nêçîrvan Barzanî kir. Basnews
