Yawer: Rêkkeftina me li gel Bexda 190 hezar pêşmergên herêmê dê hebe

Rojnama Evro/Emîndarê giştî yê wezareta pêşmerge yê herêma Kurdistanê Cebar Yawer ragehand ku, nêzîkbûna di navbera herêma Kurdistanê û Bexda de, divê ew rêkikeftinên sala 2007 hatine encamdan bihêne bicih înan.

Emîndarê giştî yê wezareta pêşimergey ferîq Cebar Yawer bo rojnama (Alheyat) tekezkir ku, " Di demê borî de hejmareka rêkikeftinan hatibûne kirin ku wekî nexşe rêyekî bo çarekirina kêşên di navbera Bexda û hewlêrê de hatibûne danan, yek ji wan kêşan qeyirana êmnahiyê bû."

Cebar Yawerî her wesa ronkir ku, " Her ji sala 2006 ê û heta niha gelek lijne hatine pêkînan û gelek caran jî digehiştine encaman paşî badekên wan dahitine ragirtin, nêzîkbûna niha bi destkeftekê ber dest destpêkir, ew jî bêdengkirina zimanê ragehandinê ye di navbera herêmê û Bexda û herêma Kurdistanê da, eve jî cihê geşbînyê ye, ku ew nakokî bihêne çarekirin di demê dahatî da".

Emîndarê wezareta pêşimergey got: " Rêkikeftina despêkî ku herdu alî li ser razîbûne ji heft xalan pêkhatine, ew jî mîkanîzma hemahengiya êmnahiyê di navbera hêzên parastina li herêmê û hêzên hikûmeta fîdiral li ser astên bilind, û çarekirina nakokiya li ser bûdca sala 2013 bo hindê bigehîne rêkikeftinekê bo budca pêşimergê herêma Kurdistanê, rêkxistina mîkanîzma firoştina petrolê di navbera herêmê û Bexda da, bicihînana madê 140 yê distûrî di demekê nêzîk da û pesendkirina qanûna nexşekirina sinorên parêzgehan ya serok komarî pêşkêşikirî bo perlemanê ku merem jê nehêlana nakokyên sinorên îdarîne li Îraqê."

Sebaret giringtirîn lijnên hatine pêkînan, Yawerî aşikirakir, " Li sala 2010 lijnên bilindên nûneratiya wezareta berevanî û navixoyî ji aliyekî ve û aliyê dî navixoya herêmê û wezirata pêşimergey bû, lîjneka teknîkî ku binavê lijna karubarên bilind hatibû binavkirin, nûnerê Îraqê ferîqê yekê Elî Xêdan û serikirdê peyade ferîqê yekê hisên ewadî û serikirdê sinoran yê niha û nûnerek ji wezareta navixoyî bû, ji aliyê herêmê ve ferîq şêrwan Ebdulirehman û ew lijne li jêr çavdêriya balêwzê emirîkî hate danan ku ew bixwe jî têda endam bû."

 

Sebaret rêkeftinên hatine kirin ji herdu aliyan ve cebar Yawer xweyakir, " Rêkikeftin li ser danana berbestên parastina êmnahiyê û pişknînên sê qulyên hevpişkbûn, ji Aliyê hikûmeta fîdiral û pêşimergey û hêzên emirîkî ve, wî demî 22 heta 24 xalên pişknînan li seranserî parêzgeha Kerkûk û Neyinewa û Selahedîn hatine danan, zêdebarî şevgêrên hevpişk jî, ew hêz binavê (fewicên şêrên zêrîn) hatî ye pêkînan û hêj heta niha li parêzgeha Kerkûkê di karên xwe de ye."

Sebaret rêkeftina li gel Bexda li sala 2007 , cebar Yawerî aşikirakir, " Rêkeftineka bi hwîrî bû belê nehate bicihînan, ku diwê rêkikeftinê da karên bineretî hatibûne destnîşankirin û pênaseka bi temamî bo pêşimergey jî li gor distûrî hatibû kirin, heykelê hêzên pêşimergey jî û mîlakê wan hatibû diyar kirin, û rêkikeftin li ser bi çekkirina pêşimergey û jêderê wî çekî û hemû pêdivyên hêzên herêmê têda hebûn, zêdebarî danana mîkanîzmeka taybet bo xanenşînkirina pêşimergey û bûdca wan wimafên şehîd û pekkeftiyan yên di şoreşên kurdan da."

Herwesa emîndarê pêşimergey xweyakir, " Rêkeftina me li gel Bexda li dor mîlakê pêşimergey li ser 190 hezaran bû, ku bi vî renge dihêne belavkirin, 100 hezar endamên kara û piraktîkî bin, 20 hizar hêza yedek bin, 70 hezar jî bo xanenşînkirinê û peykeftiyan be."

Herwesa li dor çekê pêşimergey: " Hemû çekê di destên hêzên leşikirê îraqa fîdiral da hey, ji bilê firokên şerê esmanî û hêlîkupteran û ta nkan divêt pêşimergey hebin, zêdebarî budca texmînî bo wezareta pêşimerge hatî ye danan bi kujmê (5 , 2) bilyon dolar weku budca teşxîlî û bilyon dolar jî bo avakirina jêrxaneya leşikirî û ekadmyên leşikirî bît."
Zêdebarî wê çendê: " Cur û cihên belavbûna pêşimergey li herêma Kurdistanê û deverên Kurdistanê yên der vey desthelata Kurdistanê jî hatibûne destnîşankirin, heta demê bicihînana madê 140 yê distûrî li gor qûnaxên dahatî ku badeka êmnahiyan li wan deveran bi dûmahî dihêt