Hevpeymanîya Kurdistanî: Kerkûkê bajêrekî Iraqîye bi nasnameya Kurdî

Duhî roja çarşemê Hevpeymanîya Kurdistanî ragihand, ku " Kerkûkê bajêrekî Iraqîye bi nasnameya Kurdî" û doza vî bajêrî bi rêya maddeya 140 a destûra herdemîya Iraqê tê çareserkirin.
Di evê derbarê de endamê parlîyamenta Iraqê yê ser bi lîsta Hevpeymanîya Kurdistanî Qasim Muhemmed ragihand, ku dê herdem Kerkûkê bajêrekî Iraqî bi nasnameya Kurdî bimîne, ku rejîma Sedam Huseyîn nexşeya Iraqê bo berjewenîya pêkhatekî dijî pêkhatên din guhertîye.
Herweha Qasim Muhemmed got, daxuyanîyên dawîyên Muqteda Sedr serokê alîyê Sedr bi evê wateyê bû, ku Kurd naxwezin evî bajêrî bi zorê tevlî herêma Kurdisanê bikin.
Qasim Muhemmed balkişand ser evê çendê, ku maddeya 140 a destûra herdemîya Iraqê rêçareyek ji bo doza bajêrê Kerkûkê û deverên dinên dabrayî danaye.
Herweha got, destnîşankirina vegerandina evî bajêrî bi ser herêma Kurdistanê bi rêya rêfrandoma şînîyên wî bajêrî dibe."