Sê nûnerên ENKS karê xwe di DBKê de rawestandin
Rojavayê Kurdistanê-KDP.info/ Sê nûnerên Encumena Niştimanî ya Kurd li Sûriyê (ENKS) wek bertekek li ser bûyerên bajarê Amûdê, endamtiya xwe di Desteya Bilind a Kurd (DBK) de rawestandin.
Li gor daxuyaniyekê ku duh belav bûye, Siûd Mela, Ismaîl Hemê û Beşar Emîn endamtiya xwe di DBKê de rawestandin.
Di daxuyaniyê de tê gotin ku rawestandina endamiyê wek bertekek li ser reftarê çekdarên Encumena Gel ya Rojavayê Kurdistanê (EGRK) û êrîşên wan li dijî çalakvan û alîgirên ENKSê ye.
Hersê endaman diyar kirin ku pêngava wan wek bersivekê ye li hember êrîşên ku li dijî gundê Til Xezalê yê Kobanê û bajarê Amûdê ku tê de 10 kes li ser destê YPG û asayîşa PYDê hatin kuştin û bi dehan jî birîndar bûn.
