Serokê Herêma Kurdistanê pîrozbahiyê li kanala asmaniya Gelî Kurdistan kir
Birêz Birêveber û Kedkarên kanala asmaniya Gelî Kurdistan
Silav û rêz
Ji bo pêncemîn salvegera damezrandina kanala asmaniya Gelî Kurdistan, germtirîn pîrozbahiyê pêşkêşî we yên delal dikim û ji bo hêviya serkeftinên zêdetir dixwazim.
Ew pêşkeftina îro li warê teknîka gihandinê da heye derfeta wê yekê bi gelê me daye rewayiya doza xwe bi dinya binasênê. Ji bo wê yekê cihê xweşhaliyê ye ku îro Kurdistan xwedî hejmarekî zêdeyê navendên ragihandinêye û hêvîdarîn hemû pêkve bibin dengê rastiya gelê me. Eve jî erkekî qurse dikevê stûyê we yên ragihandinkar ku wekî Pêşmergeyek bergirî li hizra neteweyî û hişyariya gelê xwe bikin û rê nedin deng û rengê wê bê gûhertin û bawerî bi xwe bûna wî bête lawaz kirin.
Kanala asmaniya Gelî Kurdistan yek ji wan navendê medyayê çalake li Kurdistanê û li demek de gelek bi wêrekane bergiriyê li doza rewaya gelê me dike, bi heman awayî jî bûye sekoyek ji bo xistineruya kêşe û giriftên welatiyan. Hêvêdarim bi dilgermiyê ve li ser wê rêbazê berdewam bibin û ji bo we hêviya serkeftinê dixwazim.
Her şad û serbilind bin
Mesûd Barzanî
Serokê Herêma Kurdistanê
